शेती आणि शेतकऱ्यांचे जीवन समृद्ध व्हावे, देशाची सर्व धोरणे शेती केंद्रित व्हावी, यासाठी संपूर्ण आयुष्य समर्पित केलेले नामवंत कृषितज्ज्ञ डॉ. बुधाजीराव मुळीक यांच्या मागदर्शनाखाली इंडियन फार्मिंग (indianfarming.org) ही वेबसाईट सुरू केली आहे.

कोल्हापूर कृषी महाविद्यालय, पुणे कृषी महाविद्यालय आणि राहुरी कृषी विद्यापीठात तब्बल दोन तपे अध्यापनाचे काम करणाऱ्या डॉ. मुळीक यांनी अमेरिकेत कृषी व जलसिंचन अभियांत्रिकी विषयात पीएच. डी. मिळवली. त्याकाळी अमेरिकेत पीएच. डी. करणारी मंडळी तिकडेच स्थायिक होत. मात्र डॉ. मुळीक भारतात परतले आणि कृषी क्षेत्राला वाहून घेतले.

केंद्र आणि राज्य सरकारच्या विविध समित्या आणि संस्थांवर काम केले आहे. शेतकरी आणि महिलांच्या सशक्तीकरणासाठी तीन दशकांपासून काम करणाऱ्या भूमाता संस्थेचे ते संस्थापक आहेत. राज्य सरकारने शेती क्षेत्रातील योगदानासाठी त्यांना कृषिभूषण आणि कृषिरत्न या कृषी क्षेत्रातील सर्वोच्च पुरस्कारांनी सन्मानित केले आहे.